【換季衣物斷捨離】
又到衣物換季嘅時刻，好多人面對要收拾整理衣櫃都無從入手，因為啲衫長期塞埋喺衣櫃堆積如山。今日茄子丸想同大家分享衣物斷捨離同埋分類放小貼士 ^^
(1) 首先拎起每件衫問下自己對呢件衫有咩睇法~
-「好鍾意」：咁就留住
-「唔知道」、或者「都鍾意件衫，不過有啲原因唔多著」：咁就可以掉咗佢、或者轉贈俾有需要嘅人。
(2) 用聯想分類法放置經篩選後決定保留嘅衣物︰根據衫嘅長度、厚度、大小、輕重、款式同顏色去整理，將同類嘅放埋一齊，而最常著嘅就放喺當眼處，咁就唔會因為搵唔到而又去重覆購買多餘嘅衣物。
最後，將唔同季節嘅衫分兩邊放，再按體積細至大，上至下嘅概念放衣櫃嘅上層或下層，咁就可以輕鬆整理好啲衣物啦！
#滾續達人 #換季衣物斷捨離 #收納大法 #未食五月粽寒衣不入籠 #仲有機會轉凍
Search